Pages

متخافش من الفوتوشوب و ابدأ من هنا

كيفية إستخدام الفوتوشوب في التعديلات اليومية

بسم الله الرحمن الرحيم

كلمة فوتوشوب  بقينا نستخدمها كتير الايام دي ..  حتى بقينا لما نشوف صورة في خبر او على الفيس . ساعات بتلاقي حد كاتبلك كومينت يقولك ده فوتوشوب ، والعملية زادت مع ناس كتير لدرجة انهم بقوا يقولوا ده فوتوشوب عالفيديوهات كمان .. مع ان الفوتوشوب ده برنامج صور بس :)


فالموضوع ده خلا ناس كتير تاخد فكرة عالفوتوشوب ده على انه برنامج معقد جدا .. ولو انت في مجال الطباعة كنت هتلاقي الناس فعلا بتخاف تقرب من الفوتوشوب .. فتلاقيها بتعمل المستحيل عشان تعمل تعديل بسيط ببرنامج الرسام مثلا او ميكروسوفت وورد او باوربوينت .. عشان خايفين يقربوا من الفوتوشوب .. مع ان الفوتوشوب هتلاقي فيه حاجات بسيطة اوي ممكن تعملك كل اللي انت عايزه وبمنتهى السهولة .. كفاية ان انت هتحس انك بقيت فوتوشوباوي كبير .. هنبتدي مع بعض نتكلم عن نوعين من التعديلات اللي بنحتاجها في شغلنا او دراستنا كل يوم :
  • حاجات بتتعمل ببرامج الاوفيس بس ممكن تتعمل احسن واسرع بالفوتوشوب .
  • حاجات مينفعش تعملها غير بالفوتوشوب .
طب ايه الحاجات اللي ممكن تتعمل بالاتنين ؟
  1. مثلاً قص جزء من صورة .
  2. تجميع كذا صورة في ورقة واحدة .
  3. كتابة كلمة أو جملة على صورة .
  4. عمل صفحة عبارة عن صور و كل صورة تحتيها او جنبيها كلام .
  5. عمل علامة مائية (صورة أو كلمة) .
  6. اضافة صورة كخلفية للصفحة .
  7. تظبيط الوان الصورة .
  8. ... 
  9. ....

و الحاجات اللي ما ينفعش تعملها بأوفيس ؟
  1. عايز تعمل ابلوود لصورة في البروفايل بس حجم الصورة اكبر من الحجم المسموح بيه .
  2. تبعت كذا صورة عالميل بس كل صورة حجمها كبير فعايز اربع ساعات مثلا عشان تبعت الميل ده .
  3. تعرف مقاس الصورة و شكلها في الطباعة هيبقى عامل ازاي .
  4. تغيير خلفية الصورة .
  5. ......
  6. ........

طب اول حاجة فين بقى اللي برنامج اللي هنشتغل عليه ؟؟؟  ده اصدار قديم للبرنامج بمساحة صغيرة . و ان شاء الله هنجمع لينكات لإصدارات أحدث .    رابط تحميل البرنامج


من غير مقدمات ولا شرح ممل عن واجهة البرنامج و القوائم و اضغط على زر التشغيل والحاجات دي . احنا هنختار حاجة و نشوف هنعملها ازاي و مع الشرح هنعرف الادوات والقوائم .

أول حاجة .. لو عندك صورة و عايز تقص منها جزء .

2- تغيير حجم الصورة و ازاي تعرف الصورة ينفع تطبع بالحجم ده ولا لا

No comments:

Post a Comment

الأكثر مشاهدة

 

أخبار التكنولوجيا

Loading...

أخبار التكنولوجيا

Loading...

اكتب بريدك الالكتروني ليصلك آخر موضوعاتنا

عدد الزائرين

كلمات استدلالية

كيفية استخدام الفوتوشوب ، تعديل الصور ، تحميل البرامج ، طباعة بأقل الأسعار ، خدمة توصيل